ادتاج اتحادیه دمکراتیک ترک آذربایجان جنوبی
گادتب: بو گون آذر آیینین 26-سی گونئی آذربایجاندا ایشغالچی و عیرقچی فارس رئژیم طرفین‌دن گونئی آذربایجان تورک میللتی‌نین دیلینده اولان تورکجه کیتابلارین کوتلوی شکیلده یاندیریلماسی و معنوی سویقیریمی گونودور. 72 ایل اؤنجه 1946-جی ایل دئکابر آیینین 17-ده گونئی آذربایجانی زور گوجونه ایشغال ائدن و 30000 آذربایجان تورکونو سویقیریما معروض قویان ایشغالچی فارس رئژیم مدنیته ضد آددیم آتا‌راق، 20-جی عصرده بؤیوک بیر میللتین دیلینده اولان کیتابلاری توپلایا‌راق کوتلوی شکیلده یاندیرمیش‌دیر.
شووینیست فارس رئژیم گونئی آذربایجان شهرلرینده سیویلیزاسیایا قارشی بو جینایتله کیفایتلنمه میش، هم ده گونئی آذربایجان مکتبلی‌لرینی اؤز آنا دیلینده اولان درسلیک‌لرینی یاندیرماغا مجبور ائتمیش‌دیر.
ایشغالچی و شووینیست فارس رئژیمین آذربایجان تورک میللتینه قارشی فیزیکی و معنوی سویقیریمی عینی دؤورده حیاتا کئچیرمکدن مقصدی ایسه بؤیوک بیر میللتی مومکون قدر فیزیکی محو ائدن‌دن سونرا، قالانلارینین دا کیملیگینی ده ییشیب و اونلارا یئنی ائتنیک (بوی) کیملیک آشیلاماقلا بوتون بیر میللتی بویقیریما معروض قویماق اولموشدور. آذربایجان تورک میللتینه قارشی بو غیری اینسانی سیاست تأسفله بو گون ده داوام ائتدیریلیر.
سون 100 ایله یاخین بیر دؤورون تجروبه‌سی گؤستیریب کی، آذربایجان تورک میللتی‌نین ظلم، آیری سئچکیلیک و سویقیریم‌دان قورتارماغینین یئگانه یولو ایسه اؤز موستقیل‌لیگینی الده ائتمکدیر و گونئی آذربایجان دموکراتیک تورک بیرلیگی (گادتب) ده بو ایستیقامتده اؤز حاقلی مباریزه‌سینی داوام ائتدیریب، آذربایجان تورک میللتینی بو مقدس آمال اوغروندا بیرلشمه‌یه و مباریزه نی سون مقصده چاتانا قدر داوام ائتدیرمه‌یه سسله ییر.
اژدر تاغیزاده
گونئی آذربایجان دموکراتیک تورک بیرلیگی (گادتب) باشقانی
