پنج‌شنبه , مارس 28 2024
azfa
تازه ها

22 بهمن موناسيبت ايله گونئي آذربايجان ايستقيلالچیلار بيريليگينين بيلديريشي

22  بهمن 1357-جي ايل ايران آدلانان يئرده شاهليق رئژيميني دئويرن حرکات، اصلينده گونئي آذربايجان تورکونون ميللي حؤکومتيني اوردو گوجو ايله ييخيب توپراغيميزي ايشغال ائدن پهلوي باشچيليغي ايله ايران ايشغالچي رئژيمينه عوصيان ایدی. بو عوصیان باشکند تبريزده 29 بهمن 1356-جي ايل اشغالچی فارس رژیمینه ووردوغو اؤلومجول يومروقدان باشلاياراق شهيدلريميزين اينتيقامي کيمي ديرلنديريلمه‌ليدير.

50  ميندن آشقين آذربايجانليني قتل و توپراغيميزي ايشغال ائديب سيلاح گوجو ايله حؤکم سورن پهلوي رئژيمي هر شئيی بيتميش حساب ائتديگي بير آندا قهرمان تورک ميلّتينين عوصياني ايله مؤحکم تيتره‌دي.

باخميياراق کي، پهلوي رئژيمي بوتون گوجو ايله قدارجاسينا شهره اوردو يئريديب عوصياني باسديرماغا چاليشدي، آنجاق خالقين ايراده‌سيني سينديرا بيلمه ييب، قيسا زاماندا آذربايجانين بوتون شهرلري کيمي ايران آدالانان يئرين ده باشقا شهرلرينه سيچراييب و هر يئره ياييلاراق بؤيوک اينقيلابا چئويریليب. نهايت 22 بهمن 1357-ده شاهليق دؤورونه سون قويدو.

شاه رئژيمينين چئويرليشي ايله آذربايجان تورکو گونئي آذربايجانين بوتون ساحه لرده کونترولونو اله آليب و دموکراتيک آتموسفر ياراداراق خالقين تهلوکه‌سيزليگي و آساييشيني ساغلاميشدير.

نه يازيق کي، ميللي حؤکومت دؤنمينده اولدوغو کيمي ايران مرکزي حؤکومتينه قارشي جيدي تدبيرلر آلينماماسيندان دولايي آذربايجان تورک ميللتي قتل عام اندیله رک، فارس شيعه ايرتيجاچي رئژيمي يئنيدن توپراقلاريميزي ايشغال ائديب و بوتون ثروتلريميزي غارت ائتمشدي.

محض بونا گؤره ده بو گون گونئي آذربايجان ميللي حرکاتي صيرف ايستيقلال مقصديله آياغا قالخيب و ايران مرکزلي حرکاتلاردان موستقيل حرکت ائتمکده‌دير.

گونئي آذربايجان ايستيقلالچيلار بيرليگي 22 بهمن اينقيلابینین غلبه‌سيني تبريک ائده‌رک بو حاديثه لرين بير داها دا باشيميزا گلمه‌مه‌سي اوچون، موباريزه‌ميزين موصاديره اولونماماسي اوچون يئنيدن قتل عام و ايشغالا معروض قالمامامیز اوچون بوتون آذربايجانليلاري ايستيقلال موجاديله‌سي اوغروندا گونئي آذربايجان ايستيقلالچيلار بيرليگينه قاتيلاراق تشکيلاتلانماغا چاغيرير.

رد اولسون ايشقالچي ايران فارس رئژيمي

وار اولسون موستقيل گونئي آذربايجان

گونئي آذربايجان ايستيقلالچيلار بيرليگي

18 بهمن 1396

دوباره امتحان کنید

اختراعات نوآورانه ترکیه در صنعت دفاع

گادتب: شرکت مهندسی سیستم‌های دفاعی ترکیه «FNSS» با نوآوری‌های همگرایانه، بسیاری از راه‌حل‌های تکنولوژیکی را …

امیرافشار افشاری: غارِ کرفتو، اثری باستانی در آزربایجانِ تاریخی

گادتب:  غار کَرَفتو، غاری باستانی و اثری تاریخی  که در صخره مرتفعی در شرق شهر …

دیدگاهتان را بنویسید