Fransa: Gözləntilərimiz təmin olunmadan BMT-nin İrana qarşı sanksiyalarının ləğvinə razılıq verməyəcəyik

GADTB: Fransanın xarici işlər naziri Jean-Noël Barrot xordadın 29-da bəyan edib ki, Paris BMT Təhlükəsizlik Şurasının İran İslam Respublikasına qarşı tətbiq etdiyi sanksiyaların ləğvinə yalnız Tehranın nüvə proqramı ilə bağlı aparılan danışıqlar Fransanın gözləntilərinə cavab verəcəyi halda razılıq verəcək.

Fransa xarici siyasət idarəsinin rəhbəri bildirib ki, bölgədə sabitliyin təmin olunması üçün ABŞ ilə İran İslam Respublikası arasında aparılan danışıqlar yalnız nüvə proqramı ilə məhdudlaşmamalı, həm də Tehranın ballistik raket proqramı və bölgədəki müttəfiq silahlı qruplara verdiyi dəstəklə bağlı suallara cavab verməlidir.

BMT Təhlükəsizlik Şurasının veto hüququna malik daimi üzvlərindən biri olan Fransa hesab edir ki, İranın nüvə dosyesinin həlli təkbaşına Yaxın Şərqdə sabitliyi təmin etmək üçün kifayət deyil.

Jan-Noel Barro vurğulayıb ki, İran İslam Respublikasının regional fəaliyyəti ilə bağlı məsələlər də danışıqlar prosesində nəzərə alınmalıdır.

Fransız nazir həmçinin Tehranın siyasətində əsaslı dəyişikliklərin zəruri olduğunu bildirərək deyib:

“Biz İranın yanaşmasında fundamental dəyişiklik görmək istəyirik.”