GADTB Güney Azərbaycan Demokratik Türk Birliyi
GADTB: Azərbaycan Milli Azadlıq Hərəkatının lideri, Bütov Azərbaycan İdeyasının başında dayanan böyük şəxsiyyət, keçmiş prezident Əbülfəz Elçibəyin Quzey və Güney Azərbaycanın milli oyanışı və Bütöv Azərbaycan ideyasının yayılmasında müstəsna xidmətləri olmuşdur.
Müstəqil Azərbaycanın Azərbaycan Xalq Cümhuriyyətinin davamı olaraq dövlət atributlarını müəyyənləşdirən, Azərbaycanın bütövləşməsi uğrunda hərəkatın istiqamətini müəyyən edən Elçibəy Azərbaycan türk millətinin əbədi lideri olaraq qalacaq. “Bütöv Azərbaycanın yolu Təbrizdən keçir” şüarının müəllifi, Güney Azərbaycanın əsarətdən qutulması ideyasını gündəmə gətirən ilk rəsmi şəxs kimi tarixə keçən Elçibəy bütün azərbaycanlıların fikir və düşüncə atası kimi hər zaman qəlblərdə yaşayacaq.
GADTB Güney Azərbaycanın istiqlalı və bütöv Azərbaycanın yaranmasında Elçibəy yolunu və ideyalarını davam etdirir və bu prinsiplərə hər zaman sadiqlik nümayiş etdirəcək.
Əjdər Tağızadə
Güney Azərbaycan Demokratik Türk Birliyi (GADTB) başqanı
