GADTB başqanı sayın Əjdər bəy Tağızadədən Zəfər Qurultayının Şuşada keçirilməsi və güneylilərin dəvət edilməsilə bağlı Azərbaycan dövlətinə təşəkkür

GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyi (GADTB) başqanı sayın Əjdər bəy Tağızadə Azərbaycan Respublikasının Diasporla İş üzrə Dövlət Komitəsinin sədri sayın Fuad Muradovla görüşdə Zəfər Qurultayının sırf Şuşada keçirilməsi və Güney Azərbaycandan olan Azərbaycan Milli Hərəkatının fəalları və ziyalılarının dəvət edilməsi münasibətilə Azərbaycan dövlətinə öz təşəkkürünü bildirib.

Görüşdə Azərbaycanın zəfərinin o taylı-bu taylı Azərbaycan üçün mühüm və sevindirici olduğuna toxunan sayın Əjdər bəy Tağızadə Şuşada keçirilən qurultayın Azərbaycanın düşmənlərinə mühüm mesaj olduğunu bildirib.