GADTB Güney Azərbaycan Demokratik Türk Birliyi
GADTB: Güney Azərbaycan Demokratik Türk Birliyi (GADTB) Azərbaycan Milli Elmlər Akademiyasının alimi, Azərbaycan Milli Hökuməti tarixinin araşdırıcısı, güneli alim Əkrəm müəllim Rəhimlinin vəfatı münasibətilə başsağlığı mesajı yayıb.
GADTB-nin başsağlığı mesajının bir hissəsində deyilir: “Əslən Güney Azərbaycanın Mərənd şəhərindən olan, Azərbaycan Milli Hökuməti və onun banisi Seyid Cəfər Pişəvərinin həyatı və yaradıcılığının araşdırıcılarından olan dəyərli alim Əkrəm Rəhim oğlu Bije vəfat etmişdir. Azərbaycan Milli Hökuməti və ümumiyyətlə Güney Azərbaycanın müasir tarixinə dair çoxsaylı əsərlərin müəllifi olan Əkrəm Rəhimlinin vəfatı o taylı- bu taylı Azərbaycanın elminə böyük itkidir.
Güney Azərbaycan Demokratik Türk Birliyi (GADTB) Əkrəm Rəhimlinin vəfatını Quzey və Güney Azərbaycan üçün böyük itki hesab edib və bu münasibətlə Əkrəm müəllim Rəhimlinin ailəsi, yaxınları və məsləkdaşlarına dərin hüznlə başsağlığı verir.
Ruhu şad olsun!
Əjdər Tağızadə
Güney Azərbaycan Demokratik Türk Birliyi (GADTB) başqanı
