GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbacan Demokratik Türk Birliyi (GADTB) başqanı sayın Əjdər bəy Tağızadə Fransanın Azərbaycanın ərazi bütövlüyünə qarşı planlaşdırdığı qəsd və Azərbaycanın Dağlıq Qarabağ bölgəsinə köçürülmüş erməni separatçılarını tanıma planı ilə bağlı xəbərdarlıq və etiraz bildirişi yayıb.
Bəyanatın bir hissəsində bildirilir ki, Putinin son çıxışında Dağlıq Qarabağın heç bir ölkə tərəfindən tanınmamasına toxunması Fransa kimi ermənipərəst ölkələrə ilham qaynağı olmuşdur. Minsk qrupunun həmsədri kimi bitərəflik prinsipini pozan Fransa beynəlxalq qanunlara zidd olaraq Azərbaycanın Dağlıq Qarabağ bölgəsini işğal etmiş cinayətkar erməni bandasını dövlət kimi tanımağa can atır.
Tarix boyu başqa millətlərin ərazisini işğal edib, sömürən və milyonlarla insanı soyqırıma məruz qoymuş Fransa hər zaman şər qaynağı olduğu kimi bu gün də erməni daşnaklarından daha çox erməni terrorçularını dəstəkləyir.
Güney Azərbacan Demokratik Türk Birliyi (GADTB) Fransanın beynəlxalq qanunlara zidd bu hərəkətinin Fransanın öz başında çatlayacağını xəbərdarlıq edərək, Korsika kimi əsarətə aldığı bölgələrin müstəqilliyinin tanınması ilə nəticələnəcəyini bildirir.
Əjdər Tağızadə
Güney Azərbacan Demokratik Türk Birliyi (GADTB) başqanı
