GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyinin (GADTB) Beynəlxalq Əlaqələr Departamentinin sədri və Avstraliyada Azərbayacanlıları Assosasiyası Prezidenti sayın Mikayıl Oyta Avstraliyanın Yeni Şimali Velz əyalətindən olan erməni lobbisinin təsiri altına düşmüş ermənipərəst millət vəkilləri Dr.Hugh Mc Dermott və John Alexanderə sərt cavab verərək, bildirib ki, işğalçı Ermənistan Azərbaycan torpaqlarının 20 faizi və o cümlədən Dağlıq Qarabağ ərazisini işğal edib və azərbaycanlılara qarşı etnik təmizləmə həyata keçirmişdir.
Sayın Mikayıl Oyta erməni lobbisinin təsiri altına düşən həmin ermənipərəst millət vəkillərini ən azından Avstraliyada yaşayan azərbaycanlılarla görüşüb və Azərbaycan, eləcə də Azərbaycanın Dağlıq Qarabağ bölgəsi ilə bağlı həqiqətləri dinləməyə çağırıb.
Sayın Mikayıl Oyta həmçinin ermənilərin keçən əsrin əvvəllərindən Azərbaycan və Türkiyə ərazilərində türklərə qarşı soyqırımlar törətdiyini söyləmişdir.
