GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyi (GADTB) və Güney Azərbaycan İstiqlalçılar Birliyi (GAİB) başqanı sayın Əjdər bəy Tağızadə Müsavat Partiyası və Milli Strateji Düşüncə Mərkəzində (MSDM) olmuş və sayın Arif Hacılı, eləcə də sayın İsa Qəmbərlə görüşüb bir sıra mühüm məsələləri müzakirə ediblər.
Görüşdə bölgədəki durum, Azərbaycanın güneyindəki əsas məsələlər, Azərbaycanın quzeyindəki bizim potensial və gücümüz, Güney məsələsinin gündəmdə saxlanması, xüsusilə Gəncə qiyamından sonra gündəmdən çıxarılmağa çalışılan Güney məsələsinin gündəmə gətirilməsi, Müsavat ideyası, Məhəmməd Əmin Rəsulzadə və Elçibəyin ideyalarının həmişə diri saxlanılması, millətimizin dildə, fikirdə, işdə birliyi məsələsi müzakirə edilib.
Görüşdə həmçinin GADTB ilə Müsavat Partiyası və Milli Strateji Düşüncə Mərkəzi (MSDM) arasında işbirliyi də müzakirə edilib.
