Bazar ertəsi , Sentyabr 20 2021
azfa

Güney Azərbaycanda Rejimin yaratdığı problemlər gəncləri kütləvi intihara sürükləyir

GADTB-nin Mətbuat Mərkəzinə daxil olan məlumata görə, irqçi fars rejiminin Güney Azərbaycanda yaratdığı ictimai və iqtisadi problemləri gənclər arasında intihar hallarının kəskin artmasına səbəb olub. Təkcə bir gündə ona yaxın insan intihar edir.

Məlumata görə, Güney Azərbaycanın Sulduz şəhərlərində bir neçə intihar hadisəsi qeydə alınıb. May ayının 6-da Sulduzda 3 azərbaycanlı qız şagirdi eyni vaxtda intihara cəhd göstəriblər. Zəhərli həb qəbul edən gənc qızlardan birinin öldüyü bildirilir. Məlıumata görə, intihara cəhd göstərən qızlardan biri ölüb, digəri isə komaya düşüb. Həmin qız hazırda Urmiya xəstəxanasında həkim nəzarəti altındadır. Üçüncü qız isə intihar anında öz fikirindən daşınıb.”

Eyni zamanda həmin gün digər dəhşətli intihar hadisəsi Ərdəbil şəhərində baş verib. Bir azərbaycanlı gənc ana 2 yaşlı qızını öldürdükdən sonra özünü hotelin 5-ci mərtəbəsindən ataraq intihar edib.

Məlumata görə, uşağının canına qıyan ana hadisədən 24 saat sonra intihar edib, iki yaşlı uşağın cansız bədəni qaldıqları otaqda yatağın üstündə tapılıb.

Hadisə yerində canına qəsd edən gənc ananın yazısı və çox sayda zəhərli həb tapılıb. Məlum olub ki, ana körpə uşağını ona zəhərli həb yedizdirərək öldürüb.

May ayının 4-də də bir gənc qız özünü Ərdəbilin Danişabad körpüsündən ataraq intihara cəhd göstərib və ağır bədən xəsarəti alıb.

Bu intihar hallarının irqçi fars rejiminin Güney Azərbaycanda yaratdığı dözülməz iqtisadi və ictimai məsələlərlə sıx bağlıdır.

 

Həmçinin yoxlayın

İranın Ermənistana gizli hərbi yardım etmək barərə faktlar ifşa etdi

GADTB-nin Mətbuat Mərkəzinə daxil olan məlumata görə, İranın Ermənistana 44 günlük müharibə zamanı hərbi sahədə …

Rejimin məhkəmə orqanı azərbaycanlı milli fəal Nadir Sadiqian barədə qərar çıxardı

GADTB-nin Mətbuat Mərkəzinə daxil olan məlumata görə, İran rejiminin Təbrizdəki məhkəməsinin 2-ci bölməsi sentyabrın 19-da …

Bir cavab yazın