GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, avqustun 29-da təqaüdçülər Güney Azərbaycanın Təbriz, Ərdəbil, Urmiya və s. şəhərlərində etiraz aksiyası keçiriblər.
Azərbaycanlı dövlət təqaüdçüləri və həmkarlar ittifaqı Qərbi Azərbaycan, Şərqi Azərbaycan və Ərdəbil əyalətlərinin Dövlət Təqaüd Fondunun binası qarşısında qanuni tələblərinə dövlətin laqeyd yanaşdığı barədə plakatlar nümayiş etdirib şüarlar səsləndirərək etiraz ediblər.
Təqaüdçülər etiraz aksiyalarında şüarlar səsləndiriblər: “Həbs edilən müəllimlər azad edilsin!”, “Yarıtmaz məsul istefa versin!”
Təqaüdçülər Fondunun binası qarşısına toplaşan müəllimlər, inflyasiya və məişət problemlərinin artmasına baxmayaraq, təqaüdlərin artmamasına etiraz ediblər. Bununla yanaşı, onlar həbs edilən müəllimlərin azadlığını tələb ediblər.
