GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Muğan bölgəsində Araz çayı boyunca meşə yanğınları meydana gəlib. Dünəndən başlayan yanğın nəticəsində meşənin bir qismi tamamilə məhv olub.
Şahidlərin sözlərinə görə, yanğın təxminən axşam saat 6-da başlayıb. Güclü külək səbəbindən alov sürətlə yayılıb və geniş bir ərazini əhatə edib.
Muğana yaxın ərazilərdə meydana gəlmiş yanğını söndürmək üçün bölgəyə yanğınsöndürmə qüvvələri cəlb olunub. 3 saatdan sonra yanğının ətraf ərazilərə keçməsinin qarşısı alınıb. Yanğının səbəbləri araşdırılır.
