GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Şərqi Türküstandan 200-ə yaxın qadın Beynəlxalq Qadınlar Günündə Çinin İstanbuldakı Baş Konsulluğunun yanında toplaşaraq Çindəki qohumlarının zorla düşərgələrə bağlandığı və qohumlarından xəbər ala bilmədikləri səbəbilə etiraz nümayişi təşkil etdilər.
Medine Nazimi Baş Konsulluğun qarşısındakı etiraz aksiyasında Amerikanın Səsi ilə danışaraq, Uyğurların, xüsusilə uyğur qadınlar və uşaqların Çində çox pis şərtlərdə düşərgələrdə saxlandığını bildirdi. Nazimi, “Qadınlarımızın şərəfi ayaqları altına atılarkən, mən onların səsi olaraq buraya gəldim. Onların hislərinin tərcüməçisi kimi dünyaya səslənirəm. 21-ci əsrdə qeyri-insani rəftara məruz qalsaq da, bu zülmə səssiz qalacaqsan? Bilirsiniz, qadın hüquqları, uşaq hüquqları, insan hüquqları var idi? Bizə uyğurlar deyəndə bu hüquqlarınız keçərli deyilmi? Bütün dünya liderlərinə, dünya insan haqları təşkilatlarına müraciət edirəm. Biz də qadınlarıq və analığımızı ləyaqətlə yaşamaq istəyirik. Gəlin əl-ələ verək. Çinin bu zülmünə qarşı qətiyyətlə dayanaq. Xahiş edirəm səslərimizə səs verin ”dedi.
2017-ci ildən bəri beynəlxalq ictimaiyyət Çini bir milyondan çox Uyğuru özbaşına tutaraq həbs düşərgələrində bağlamaqda günahlandırır. İnsan haqları təşkilatları məhbusların beyin yuma proqramlarına məruz qaldıqlarını və müsəlman olduqlarını inkar etməyə məcbur olduqlarını söyləyirlər.
Çin rəsmiləri isə etdikləri zülm və soyqırımı danırlar.
