GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanda Yamçı bölgəsinin Yekanat əhalisi farsların Azərbaycanın Yekanat Mis Mədənini talamasına etiraz etdilər. Onlar bildiriblər ki, Tehran və İsfahandan olan farslar onların mədənlərini talayır.
Əhalinin bildirdiyinə görə, bu mədən yenicə aşkarlanıb və qeyri-yerli əhali həmin mədəni çıxarıb talayır.
Onlar bu etiraz mitinqində yalnız öz sərvətlərinin talandığına etiraz etdiklərini bildirirlər. Əhali deyir ki, bu gedişatla müsəmləkə şəraitinə salınmış Azərbaycan talanıb, boş çölə çevriləcək. Ona görə də mədənlərinin talanmasına etiraz edirlər.
