GADTB Güney Azərbaycan Demokratik Türk Birliyi
GADTB: Güney Azərbaycanın “Təraxtur” komandası Premyer Liqanın altıncı həftəsində Təbrizdə Sircanın Gol-Göhər komandası ilə qarşılaşmada 1:0 hesabı ilə qalib gəlib və qazandığı üç dəyərli xalla liderliyini qoruyub.
Əmirhüseyn Hüseynzadə 43-cü dəqiqədə Təraxturun yeganə qolunu vurub. Əlirza Beyranvənd isə qapısını toxunulmaz saxlayaraq qələbənin qorunmasında mühüm rol oynayıb və ardıcıl altıncı “quru oyun”unu keçirib.
Qarşılaşma zamanı Təraxtur azarkeşləri də hər zaman olduğu kimi Təbrizin Səhənd stadionunda böyük coşqu ilə komandalarını dəstəkləyiblər. Lakin azarkeşlərin səsləndirdiyi kimlik və idman məzmunlu şüarların əhəmiyyətli bir hissəsi televiziya yayımından çıxarılaraq senzura edilib.
Bu qələbədən sonra Təraxtur Premyer Liqanın turnir cədvəlində liderliyini davam etdirir.
