GADTB Güney Azərbaycan Demokratik Türk Birliyi
GADTB: Güney Azərbaycanın şəhər, kənd, dağ, çay və digər coğrafi məkanlarının əhəmiyyətli hissəsinin tarixi adları ötən onilliklər ərzində dəyişdirilib, təhrif olunub və ya farslaşdırılmış formada işlədilib. Bu baxımdan, həmin ərazilərin əsil və tarixi adlarının qorunması və yenidən tanıdılması xüsusi əhəmiyyət daşıyır.
Kampaniyaya baçlayanlar dost və tərəfdarlarını Azərbaycanın şəhər, kənd, məhəllə, dağ, çay və digər coğrafi məkanlarının tarixi və əsil adlarını bildikləri halda redaksiyaya göndərməyə çağırır.
Məqsədimiz imkan daxilində bu adları düzgün tələffüz və yazılış qaydaları ilə qeydə almaq, media materiallarında və digər informasiya məhsullarında istifadə etmək, bununla da Azərbaycanın dil və tarixi irsinin bir hissəsini qoruyaraq gələcək nəsillərə çatdırmaqdır.
Hər hansı adın mənşəyi, tələffüzü və ya düzgün yazılış forması barədə məlumatınız varsa, həmin adı hazırda işlədilən adı ilə birlikdə bizə göndərməyiniz xahiş olunur.
Tarixi adların qorunması bir xalqın tarixi yaddaşının və mədəni kimliyinin qorunmasının mühüm hissəsidir.
