GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Xalxal şəhərində Miyanrudan kəndinin əhalisi dövlət rəsmilərinin, eləcə də Məclis nümayəndəsinin onların problemləri ilə maraqlanmamasından şikayət edir.
Kənd əhalisi bildirir ki, artıq 4 aydır ki, torpaq sürüşməsi nəticəsində üç yüzdən çox ailənin yaşadığı kəndin yolu bağlanıb və dövlət bununla bağlı heç bir tədbir görməyib.
Kənd əhalisi problemlə bağlı dəfələrlə şəhər və vilayətdə səlahiyyətli qurumlara müraciət etsələr də nəticə əldə edə bilmədiklərini bildiriblər.
Aidiyyatı qurumlardan heç bir yardım olmadığı üçün kənd əhalisi əlacsız qalaraq əllərində bel və külüng özləri yolu açmaq üçün hadisə yerinə toplaşıblar.
Qeyd edək ki, bölgənin xain və rejimə yaltaq məclis nümayəndəsi Seyid Qəni Nəzəri əhalinin problemləri ilə maraqlanmaq yerinə özünün social şəbəkə səhifələrində Azərbaycanın əlaeyhinə postlar paylaşmaqla məşğuldur.
