GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, Güney Azərbaycanın Xoy şəhərində 2017-ci il dekabr ayının 31-də keçirilən etiraz aksiyası ilə bağlı tutulan azərbaycanlı fəallardan bəziləri mülki vəsiqə qarşılığında zaminə buraxılıblar.
Yazıçı və mütərcim Şəhriyar Güləvani, peşəkar xəttat Abbas Köçəri və islahatçı fəal Məcid Məhəmmədi hər biri 500 milyon tümənlik, həmçinin milli-mədəni fəallar Milad Hacilu və Məhəmməd Əbazəri 300 və 200 milyon tümənlik vəsiqə qarşılığında Xoy zindanından zaminə buraxılıblar. Həmin fəallarla yanaşı aksiya ilə əlaqədar tutulanlardan daha bir neçə nəfəri də zaminə buraxılıb, lakin onların adları barədə məlumat yoxdur.
Tutulan fəalların bəziləri isə Xoy zindanında hələ də qeyri-müəyyən vəziyyətdə saxlanılır. 20 yaşlı Arif Sultanəlizadə və 23 yaşlı Atif Sultanəlizadə də qeyri-müəyyən vəziyyətdə Xoy zindanında saxlanılır.
