GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney və Quzey Azərbaycan arasında keçid məntəqələrində yaranan mövsümi növbələrin aradan qaldırılması üçün təkliflər hazırlanıb.
Bu barədə Xaçmazda jurnalistlərə açıqlamasında Azərbaycan Dövlət Gömrük Komitənin sədri Aydın Əliyev bildirib.
Onun sözlərinə görə, artıq bununla bağlı razılıq əldə olunub. “İran tərəfi 24 saatlıq iş rejiminə keçməklə bağlı öz təklifini bildirib. Biz də müraciət etmişik ki, Gömrük Komitəsinə müvafiq kadr sahəsində, bu istiqamətdə kadrların artırılması istiqamətində köməklik lazımdır,” – deyə A. Əliyev qeyd edib.
Komitə sədri bununla bağlı hökumət və maliyyə nazirliyinə təkliflərin verildiyini də bildirib: “Bununla bağlı müəyyən təşkilati işlər də var. Mənə elə gəlir ki, 24 saatlıq iş rejiminə keçəndən sonra bu tıxaclar aradan qaldırılacaq”.
