GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanda hələlik məktəblərdə türk dilinin tədrisi ilə bağlı dərslik təqdim edilməsə də, Şərqi Azərbaycan valisi Məhəmmədrza Purməhəmmədi təhsil ocaqlarının açılışı günündən vilayətin bir neçə məktəbində türk dili və ədəbiyyatının tədris olunacağını bildirib.
Vali deyib: “Sentyabrın 23-dən vilayətin bir neçə məktəbində türk dili və ədəbiyyatı tədris olunacaq. Fars dili ölkəni birləşdirən rəsmi dildir. Lakin ana dilinin tədris olunması da konstitusiyada qeyd olunub, ölkənin yüksək rütbəli vəzifəli şəxsləri də məktəblərdə ana dilinin tədris olunması ilə razıdır”.
Vali türk dilinin həftədə 2 saat tədris olunmasını elan etsə də, şagirdlərin bu dildə təhsil almasına qarşı olduğunu bu cümlələrlə dilə gətirib: “Mən ana dilində təhsil almaq deyil, amma ana dilinin tədris olunmasını hər zaman müdafiə etmişəm. Məktəblərdə türk dilinin tədrisinə başlanılması ilə bəzi insanların müəyyən hədəflərə yönəlmiş təhdid və bəhanələrinin qarşısı da alınacaq”. Rejimin rəsmilərinin belə mövqe sərgiləməsi özü onların səmimi olmadığını və yalnız Azərbaycan Türk millətinin öz hüquqları uğrunda mübarizəni zəiflətmək məqsədi gütdüyünü sübut edir.
