GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İrəvanın Azadlıq meydanında müxalifətin baş nazir Nikol Paşinyan və hökumətinə qarşı mitinqi başlayıb.
Erməni polisi İrəvanın Azadlıq Meydanında müxalif siyasi qüvvələrin nümayəndələrini və onların tərəfdaşlarını kütləvi şəkildə saxlamağa başlayıb. İnsanları zorla polis maşınlarına mindirib müxtəlif polis bölmələrinə aparırlar. Meydanda qarışıqlıqdır. Müxalifət liderləri əlaqə saxlamağa çalışır, etirazçılar isə “Nikol, rədd ol get!” şüarları səsləndirirlər. Etirazçıların sayı tədricən artır.
Qeyd edək ki, İrəvanda 17 müxalif siyasi qüvvələrinin mitinqi saat 13:00-da başlamalı idi, lakin başlamazdan əvvəl polis vətəndaşları həbs etməyə başladı. Tutulanlar arasında Respublika Partiyasının nümayəndələri Eduard Şarmazanov, Vəhram Bağdasaryan, Vardan Ayvazyan, Geqam Petrosyan, Hayk Mamidcanyan, Karine Açemyan, Geqam Petrosyan, Vətən partiyasının nümayəndələri Arsen Babayan, Vardan Voskanyan var. Onların hamısı Paşinyanın istefasını tələb edir.
