ABŞ İran uranının Rusiyaya göndərilməsi ideyasını dəstəkləmədi

GADTB: ABŞ prezidenti Donald Tramp Rusiyanın irəli sürdüyü İranın yüksək zənginləşdirilmiş uranının Rusiyaya göndərilməsi təklifini rədd edib. Bu barədə Axios nəşri mənbələrə istinadən məlumat yayıb.

Məlumata görə, Rusiya prezidenti Vladimir Putin martın 9-da Trampla telefon danışığı zamanı İranın nüvə materialları ilə bağlı bir neçə təşəbbüs irəli sürüb. Təkliflərdən biri İranın 60% səviyyəsində zənginləşdirilmiş təxminən 450 kiloqram uranının Rusiyaya göndərilməsi olub.

Nəşrin yazdığına görə, bu addımın məqsədi ABŞ və İsrail ilə İran arasında gərginliyi azaltmaq və mümkün münaqişəni dayandırmaq variantlarından biri kimi müzakirə edilib. Ancaq Vaşinqton bu ideyanı qəbul etməyib.

60% zənginləşdirilmiş uran qısa müddətdə – bir neçə həftə ərzində – 90% səviyyəsinə, yəni nüvə silahı üçün lazım olan səviyyəyə qədər zənginləşdirilə bilər./ Azad İran