Çərşənbə axşamı , İyun 18 2024
azfa

İran hökumətinin ideoloqu Azərbaycan barədə hədyanlar səsləndirdi: “Deyirlər sən Hüseynçi yox, bozqurdçu olacaqsan”

GADTB-nin Mətbuat Mərkəzinin “Azad İran”a istinadən yaydığı məlumata görə, İran mediasında və sosial şəbəkələrdə İran hökumətinin ideoloqu Əliəkbər Rafeipurun Azərbaycan Respublikası ilə bağlı növbəti cəfəng fikirləri yayılıb. Molla rejiminin və İranın rəhbəri Əli Xameneyinin qatı tərəfdarlarından olan Rafeipur yazır:

“Bu dəqiqə bilirsiniz Azərbaycan Cümhuriyyətində vəziyyət necədir? Bizim səlahiyyətlilərdən birinin belə səsi çıxmır. Brenda Şaffer Azərbaycan haqqında yeni kimlik qondarmaq istəyir. Mossad zabiti, yəhudi və fəxrlə İsrailə gedib gəlir”.

O, deyir ki, İslam Cümhuriyyəti Azərbaycanda o qədər dəyərdən düşüb ki, Brenda Şaffer bu addımı ilə bildirmək istəyir ki, mən gedib-gəlirəm və ümumiyyətlə bunun heç kimə dəxli yoxdur.

“Brenda Şaffer Xudafərin körpüsünün Azərbaycan tərəfində olan hissəsinə gəlib orada şəkil çəkdirir və bunu “tvitter” hesabında yayır. O, Azərbaycan bayraqları ilə əzadarlıq qruplarının fotosunu yayıb və bildirib ki, bu, bizim Azərbaycanda nəzərdə tutduğumuz qrupdur. Bilirsiniz bu necə qrupdur? Azərbaycan bayraqları qaldırılıb və orada İmam Hüseynə aid heç bir əsər yoxdur”-deyə, Rafeipur bildirib.

O, bildirir ki, Azərbaycan şiələri hətta Ərbəin mərasiminə belə fərqli şəkildə qatılırlar.

“Siz Ərbəin mərasimlərində Azərbaycan şiələrini görmürsünüz? Bir dənə belə İmam Hüseyn bayrağı götürmürlər, hamısı Azərbaycan bayraqlarıdır və deyirlər imam Hüseynə aid heç bir nişanə olmamalıdır. Orada bir qrup saray axundu ortaya çıxarıb, şeirlərinin hamısı tənzimlənir, içində heç nə yoxdur”-deyə, o, Azərbaycanda əzadarlıq mərasimlərinin fərqli keçirilməsindən narahatlığını ifadə edir.

Həmçinin yoxlayın

Təbriz əhalisinin vergi pulu ilə alınan metro vaqonları İsfahana aparılıb

GADTB: Təbriz əhalinin vergi pulu ilə alınan Təbriz metrosu üçün alınan metro vaqonları İsfahan şəhərinə …

Sayın Sara xanım Azərsunun İranın azərbaycanlı fəalları ədalətsiz və qapalı mühakimə etməsi ilə bağlı Avstraliya rəsmilərinə müraciətinə cavab gəlib-Şəkil

GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyi (GADTB) İnsan və …