GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Azərbaycanın qələbəsinə dözə bilməyən ermənipərəst İran rejimi Araz kənarı və Azərbaycan Respublikasının sərhədləri boyunca çox sayda hərbi texnika yeridib.
Azərbaycan öz ərazilərini erməni işğalından azad edəndən sonra ermənipərəst İran rejimi müxtəlif bəhanələrlə Azərbaycanla açıq düşmənçiliyə başlayıb. Bu istiqamətdə Ermənistana yardımdan əlavə Azərbaycan sərhədində hərbi təlim də düşmənçiliyin əsas göstəricisi hesab edilir. Artıq sabah yenidən İran rejim Azərbaycan sərhədlərində hərbi təlimə başlayır.
İran ordusunun Quru Qoşunlarının komandanı Əmir Kiumərs Heydəri hərbi texnikanın sərhəddə yeridilməsi ilə bağlı deyib: “Xeybər fatehləri” hərbi təlimi sabah ölkənin şimal-qərb bölgəsində ordunun çox sayda quru qoşun birləşmələrinin iştirakı ilə başlayacaq.
Kiumərs Heydəri bildirib: “Xeybər fatehləri” hərbi təlimi sabah zirehli bölmələr, artileriya, dronlar, hərbi radio-elektron qüvvələrinin iştirakı və helikopterlərin atəş dəstəyi ilə şimal-qərb bölgəsində başlayacaq”.
O həmçinin deyib: “Bu hərbi təlim ordu birləşmələrinin döyüş texnikasının bir hissəsinin iştirakı və qabiliyyətlərinin nümayiş etdirilməsi ilə və bu sahədə döyüş hazırlığının artırılması məqsədi ilə keçiriləcək”.
