GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimi Təbrizdə yaşayan azərbaycanlı milli-mədəni fəal Siyamək Fərəczadəni (Qaradağlı) prokurorluğa çağırdı.
Bununla bağlı azərbaycanlı fəala bildiriş göndərilib. Bildirişdə fəaldan istənilib ki, müəyyən edilmiş müddət ərzində o rejimin Təbrizdəki Ümumi və İnqilab Prokurorluğunun 15-ci bölməsinə müraciət etsin.
Qeyd edək ki, Siyamək Fərəczadə (Qaradağlı) iyulun 1-də İran təhlükəsizlik qüvvələri tərəfindən Kəleybər şəhərində yaxalanaraq ETTELAAT İdarəsinin Təbrizdəki təcridxanasına köçürülmüşdü.
Siyamək Fərəczadə həbsindən bir neçə gün sonra ailəsi ilə qısa müddətli telefon əlaqəsində iyulun 16-da prokurorluğa aparıldığı və yenidən təcridxanaya qaytarıldığını demişdi.
Güney Azərbaycanın Əhər şəhərindən olan azərbaycanlı milli fəal Təbrizdə yaşayır və elektrik mühəndisliyi üzrə təhsil almışdı.
Azərbaycanlı fəalın Babək Qalası Qurultayına qatıldığı üçün yaxalandığı bildirilir.
