GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran Qriqoyan rejimi işğalçı ermənilərə yardım məqsədilə qanunsuz şəkildə Azərbaycanın işğal olunmuş ərazilərinə nümayəndə heyəti göndərib. Bu isə ermənipərəst İranın Azərbaycan ərazilərinə təcavüz deməkdir.
İran parlamentinin bir qrup üzvü 4 oktyabr tarixində qondarma “Dağlıq Qarabağ”ı ziyarət edib.
Erməni mətbuatının verdiyi xəbərə görə, ziyarətdə İran Parlamentinin Milli Təhlükəsizlik və Xarici Siyasət Komitəsinin rəsmi nümayəndəsi Abülfazl Əmui və komitənin bir sıra üzvləri iştirak edib.
Məlumata görə ziyarətə səbəb qondarma “Dağlıq Qarabağ”dakı hadisələri müzakirə etmək olub.
Qeyd edək ki, İranın molla rejimi əsil antiislam və Qriqoryan Respublikası olduğunu sübut etmək, eləcə də müsəlman azərbaycanlıların uşaqlarını qətliam etdirmək üçün işğalçı Ermənistanı silah-sursatla və onların tankları və təyyarələrini yanacaqla təmin edir. Bu isə haqq-ədalət tərəfdarı olan insanların narazılığına səbəb olur.
