GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rejimi Urmiya gölünə tökülən suyun qarşısını qəsdən almaqla Urmiya gölünü qurutmaqda davam edir.
Qərbi Azərbaycanın Ətraf Mühit İdarəsinin rəisi Mehran Nəzəri həmin məsələyə dolayı yolla etiraf edərək deyib ki, keçən il üçün Urmiya gölünə axıdılmalı olan suyun yalnız 32 faizi gölə buraxılıb.
O deyib ki, gölə axan çaylardan 3.4 milyard kobmetr su gölə buraxılmalı idi, lakin yalnız 1.1 milyard kubmetr su gölə buraxılıb.
Nəzəri bildrib ki, hazırda göldə 2.5 milyard kubmetr su vardır. Quraqlıq və gölün su payından başqa məqsədlər üçün istifadə edildiyi üçün gölə az həcmdə su buraxılıb.
Mehran Nəzəri son günlərin yğıntılı keçməsinə baxmayaraq keçən ilə nisbətən Urmiya gölünün su tarazının 65 sm az olduğunu bildirib.
Qeyd edək ki, artıq İran rejiminin öz rəsmiləri də gölə axan çayların qarşısını kəsməklə gölün qəsdən qurudulmasına etiraf edirlər.
