GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rejiminin edama məhkum etdiyi İsveç vətəndaşı olan azərbaycanlı alim professor Əhmədrza Calalinin sağlıq vəziyyəti ağırlaşıb.
Əhmədrza Calalinin həyat yoldaşı Vida Mehrannianın verdiyi məlumata görə Əhmədrza cərrahiyyə əməliyyatı keçirdikdən sonra sağlıq durumu pisləşib.
Mehrannia deyib ki, yanvarın 22-də kəskin bağırsaq xəstəliyi səbəbindən ağır vəziyyətdə xəstəxanaya aparılaraq əməliyyat olunan Calali bir gün sonra, yanvarın 23-də yenidən Evin zindanına qaytarılıb.
O deyib ki, bu Calali üzərində həyata keçirilən sayca ikinci cərrahiyyə əməliyyatıdır və bundan sonra onun psixoloji və fiziki ağırlaşıb.
Qeyd edək ki, 2016-cı ilin mayında elmi konfransda iştirak etmək üçün İrana səfər edən professor Əhmədrza Cəlali Mossad-a casusluq ittihamı ilə rejim tərəfindən yaxalanaraq edama məhkum edilib.
