İranda yüz minlərlə məktəbli təhsili tərk edib

GADTB: Ötən tədris ilində İranda 750 min şagirdin müxtəlif səbəblərdən təhsili yarımçıq qalıb. Bununla bağlı, Tehran Məktəb Ləvazimatları İttifaqının rəhbəri Möhsün Gülüstani məlumat verib.

Onun sözlərinə görə, şagirdlərin məktəbi tərk etməsinin əsas səbəbi yoxsulluq və təhsil xərclərinin artmasıdır. Gülüstani bildirib ki, bu amillər təhsildən yayınma hallarının artmasına birbaşa təsir göstərir.

Təhsili yarımçıq qoyan şagirdlərin 150 mininin ibtidai siniflərdə – 1-5-ci siniflərdə oxuduğu qeyd olunub.