GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran rejiminin qərəzli şəkildə Azərbaycanın Təbrizdəki səfirliyi qarşısı və ətrafında dini parçalar asmaqla təxtibata cəhd göstərməsi geniş şəkildə Azərbaycan mətbuatında əks etdirilib.
Bildirək ki, İranın Sepah terror təşkilatına bağlı “Fars” xəbər agentliyi Azərbaycanın Təbrizdəki konsulluq binasının ətrafı və qarşısında dini bayraqların asıldığını yazıb və buna dair fotolar paylaşıb.
Bu qərəzli addımla rejim belə təbliğat aparıb ki, Azərbaycanda guya dini mərasimlərə icazə verilmir, əzadarlıq bayraqları yığışdırılıb.
Sosial media fəalları isə öz paylaşımlarında bu təxribatın terror təşkilatı olan Sepah və yarımhərbi “Bəsic” qüvvələri tərəfindən edildiyini bildiriblər.
