İranın azərbaycanlı fəal Əli Əziziyə verdiyi həbs cəzası Türkiyə mətbuatında geniş əks etdirildi

 

GADTB-nin Mətbuat Mərkəzinə daxil olan məlumata görə, irqçi fars rejimin heç bir günahı olmadan azərbaycanlı fəal Əli Əziziyə verdiyi 6 il həbs cəzası Türkiyə mətbuatında geniş əks etdirilib.

Urmiyada yaşayan azərbaycanlı milli-mədəni fəalın rejimin Təbrizdə yerləşən İnqilab məhkəməsinin 3-cü şöbəsi tərəfindən 6 il həbs cəzasına məhkum olunması Türkiyənin “Anadolu” Xəbər Agentliyi, “A haber”, “Milliyyət”, “Yeni Çağ”, “Tımeturk”, “Haber7”, “Canlıgaste” və s. nəşrlərdə yayınlanıb.

Qeyd edək ki, irqçi fars rejim azərbaycanlı milli-mədəni fəal Əli Əzizini şərləyərək 6 il həbsə məhkum edib.

Qərar rejimin Təbrizdə yerləşən İnqilab Məhkəməsinin 3-cü şəbəsinin rəisi hakim Fəthnəjad tərəfindən çıxarılıb və şifahi şəkildə Əli Əzizinin vəkili Əsgər Məhəmmədiyə bildirmişdi. Hakimin bildirdiyinə görə, Əli Əzizi “Sistem əleyhinə təbliqat” ittihamına ilə 1 il, “Qanunsuz təşkilata (GAMAC) üzv olmaq” ittihamı ilə isə 5 il həbsə məhkum edilib.

İrqçi fars rejimin təhlükəsizlik qüvvələri yenidən fevralın 23-də Əli Əzizinin ata evinə hücum edərək fəalı yaxalamış və ona qarşı rejimin Təbrizdə yerləşən İnqilab Məhkəməsinin 16-cı şöbəsində “Sistemin əleyhinə təbliğat aparmaq və GAMAC-a üzv olmaq”da ittiham edilmişdir.

Əli Əzizi koronavirus təhlükəsi səbəbindən martın 25-də 500 milyon tümənlik mülki vəsiqə qarşılığında zaminə buraxılması üçün qərar verilmiş, lakin, sonradan mülki vəsiqənin məbləği 650 milyon tümənə qaldırılmışdır.