GADTB Güney Azərbaycan Demokratik Türk Birliyi
GADTB: İranın ən böyük onlayn alış-veriş platforması olan “Digikala” internet saytı Azərbaycan bayrağını Amerika və İsraillə yanaşı düşmən ölkələr, həmin məhsulu isə qadağan olunmuş mallar siyahısına salıb.
Digikala-nın rəsmi səhifəsində yayımlanan görüntüyə görə, internet saytında Amerika, İsrail və Azərbaycan kimi ölkələrin bayrağı və ya adı olan mallar satışı “Satışı qadağan olunan mallar” siyahısında dərc edilib.
Siyahıda “düşmən” ölkələrlə əlaqəli bayraqların və şəxslərin olduğu malların paylaşılmasının və təqdim edilməsinin qadağan edildiyi, bu ölkələrin İran İslam Respublikası sisteminə zidd siyasi məqsədləri olduğu və bu səbəbdən satışının qarşısının alındığı qeyd olunub.
Eyni zamanda Azərbaycan adının İŞİD və Taliban kimi qruplarla yanaşı bu siyahıya salınması sosial şəbəkələrdə istifadəçilərin geniş etirazına səbəb olub.
