GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin Güney Azərbaycanın vilayətlərinə qarşı müstəmləkə siyasətinin ağır fəsadları özünü bütün sahələrdə göstərir.
Hazırda bir çox ölkələrdə koronaviru pandemiyası səbəbindən internet vasitəəsilə keçirilən dərslər sübut etdi ki, fars-molla rejiminin ayrıseçkilik siyasəti nəticəsində Güney Azərbaycanın müxtəlif vilayətlərində, o cümlədən Həmədanda məktəblilərin 40 faizi yoxsulluq üzündən virtual təhsil imkanlarından məhrumdurlar.
Həmədan Vilayətinin Bəsic rəsmilərindən olan Məhəmməd Movlayi etiraf edib ki, şəhərətrafı məntəqələr və kəndlərdə yaşayan azgəlirli ailələrin uşaqları, həmçinin İnternet infrastrukturu olmayan bölgələrdə yaşayan məktəblilər təhsil nazirliyi tərəfindən tətbiq edilən virtual təhsil proqramından faydalana bilmirlər.
O deyib ki, “Bəzi şagirdlər maddi imkanlarının məhdudluğuna görə smartfon, kompüter və internetdən məhrumdurlar”.
Movlayinin sözlərinə əsasən, həmin şagirdlər əyalətin ümumi məktəblilərinin 40 faizini təşkil edirlər.
Qeyd edək ki, Hamedan Güney Azərbaycanın qədim bölgələrindəndir .
