GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi azərbaycanlı milli-mədəni fəal Məhəmməd Mahmudini ay həbsə məhkum etdi
Molla rejimi fəalı “Sistemə qarşı təbliğat aparmaq” və “GAMAC-a üzv olmaq”da ittiham edib.
Azərbaycanlı fəal mayın 13-də rejimin Təbrizdə yerləşən İnqilab Məhkəməsinin birinci şöbəsində Rəhim Həmlbərin sədrliyi ilə keçirilən iclasda mühakimə edilib.
Azərbaycanlı fəal Məhəmməd Mahmudi 2019-cu ilin noyabr ayında benzinin bahalaşmasına qarşı keçirilən kütləvi etirazlar zamanı rejimin məmurları tərəfindən yaxalanmışdı.
Fəal 100 günə yaxın molla rejimin ETTELAAT İdarəsinin təcridxanasında saxlanıldıqdan sonra 600 milyon tümən dəyərində mülki vəsiqə qarşılığında fevralın 26-da zaminə buraxılmışdı.
Rejimin məhkəməsi Mahmudinin milli fəal Abbas Lisani ilə əlaqəsini onun “GAMAC-a üzv olmaq” ittihamına sübut kimi qəbul edib. Halbuki, Abbas Lisani daha öncə Ərdəbildə keçirilən məhkəmədə “GAMAC-a üzvlük” ittihamından bəraət alıb.
Qeyd edək ki, 2009-cu ildə Amsterdam şəhərində 12 maddəlik nizamnamənin qəbul edilməsi ilə fəaliyyətə başlayan GAMAC Təşkilatı nizamnaməsinin 8-ci bəndində təhlükəsizlik məsələləri ilə əlaqədar İran sərhədlərinin içində hər hansı üzv və ya nümayəndəsinin olmayacağı qeyd edilib.
