GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim azərbaycanlı fəal Nəsim xanım Sadiqini Şərqi Azərbaycanda yerləşən Apellyasiya Məhkəməsinə çağırıb.
Rejimin məhkəməsi tərəfindən dekabrın 17-də elektron sistemi vasitəsilə göndərilən çağırış vərəqəsinə əsasən fəal dekabrın 20-də rejimin Şərqi Azərbaycanda yerləşən Apellyasiya Məhkəməsinin 3-cü şöbəsinə müraciət etməlidir.
Qeyd edək ki, Təbriz sakini olan azərbaycanlı fəal sentyabrın 21-ə rejimin Təbrizdə yerləşən İnqilab Məhkəməsinin 2-ci şöbəsi tərəfindən 6 ay həbs cəzasına məhkum edilmişdir. Azərbaycanlı xanım şərlənərək ona qarşı “Müxalif qrupların xeyirinə sistemin əleyhinə təbliğat aparmaq” ittihamı irəli sürülmüşdür.
Azərbaycanlı fəal Nəsim Sadiqi isə bundan əvvəl məhkəmədə irəli sürülən ittihamı qətiyyətlə rədd edərək ölkə konstitusiyası çərçivəsində mədəni fəaliyyətlə məşğul olduğunu bildirmişdir. O məhkəmədən öz müstəqilliyini qoruyub saxlamağı da tələb etmişdir.
Nəsim Sadiqi bu dosya ilə bağlı 2018-ci il oktyabrın 21-də yaxalanmış və oktyabrın 31-də 150 milyon tümənlik mülki vəsiqə qarşılığında Təbrizin mərkəzi zindanından zaminə buraxılıb.
