GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim İranda yaşayan erməni icmasının əliylə Azərbaycanın işğal olunmuş Dağlıq Qarabağ ərazilərində ermənilərə yardım edir.
Sonuncu belə yardım Şuşada məktəbə çatdırılıb. Fotodan göründüyü kimi, Şuşadakı kollecin girişindəki adı rus(!) dilində də yazılıb…
Rejimin dəstəyi ilə İran paytaxtındakı erməni icmasının yaratdığı “Tevanik” xeyriyyə təşkilatı Azərbaycanın işğal altındakı bir sıra məntəqələrinə, o cümlədən Şuşadakı erməni kolleclərindən birinə kompüter və digər ləvazimatlardan ibarət yardım gətirib.
Xankəndindəki separatçı nəşrlərin yaydığı məlumata görə, “Tevanik” erməni xeyriyyə təşkilatı 2014-cü ildən Qarabağda layihələr icra etməyə başlayıb. Ötən illərdə təşkilat Şuşa və Xankəndində qadınlar üçün əl işləri sexləri açıb. Əsgəran yaxınlığındakı kəndlərdən birində gündə 1 ton meyvə quruda bilən xüsusi qurğu quraşdırıb. Hərbçilərə, çoxuşaqlı ailələrə və s. yardım göstərib.
