GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İiqçi fars rejim Güney Azərbaycanda insanları övladına ad qoymaq haqqından məhrum edib. Rejim Güney Azərbaycanın Ərdəbil şəhərində valideynlərinin “Ayıl” adı seçdiyi qıza 2 aydır ki, şəxsiyyət vəsiqəsi verilmir.
Uşağın atası azərbaycanlı milli-mədəni fəal və sənətkar Səccad Colani paylaşdığı videoda bu barədə məlumat verib.
Azərbaycanlı fəal Səccad Colani rejimin Ərdəbildə yerləşən Vətəndaş Vəziyyətinin Qeydiyyat Şöbəsinin qarşısında çəkdiyi videoda, bildirib ki, şöbənin məsullarının ona Ayıl adına şəxsiyyət vəsiqəsi verilməsi üçün Tehrandan icazə tələb olunduğunu deyiblər.
Fəala deyiblər ki, Tehranda üç fars ədəbiyyatı mütəxəssisindən ibarət olan heyət Ayıl adına şəxsiyyət vəsiqəsinin verilib verilməməsi barədə qərar verəcəklər. Şöbənin məsulları həmçinin şifahi olaraq Colani ailəsinə seçdikləri adın təsdiqlənmədiyini bildiriblər.
Qeyd edək ki, irqçi fars rejim Azərbaycan türk millətinin milli kimliyini və dilini məhv etmək məqsədilə onlara öz dilində övladlarına ad qoymasına mane olur.
