İrqçi fars rejim həbs etdiyi Abbas Lisaninin ailəsinə qarşı təzyiqləri artırıb

GADTB-nin Mətbuat Mərkəzinə daxil olan məlumata görə, irqçi fars rejim həbs etdiyi Abbas Lisaninin ailəsinə qarşı təzyiqləri artırıb. Ərdəbil vilayətinin İctimai Məkanlara Nəzarət İdarəsi Abbas Lisaninin oğlu Əli Lisaniyə məxsus mağazanı plomblayıb.

Artıq Əli Lisaninin qazanc yeri olan mağazanın şüşəsinə bununla bağlı bildiriş də yapışdırılıb. Həmin yapışdırılmış yazıda bildirilir: “Bu mağaza elan edilmiş qayda və prinsiplərə əməl etmədiyinə görə, növbəti qərar verilənə qədər plomblanıb.”

Qeyd edək ki, 2018-ci ilin dekabr ayının 8-də rejimin həmin idarəsi Əli Lisaniya xəbərdarlıq məktubu göndərərək, onun qızıl məmulatlarının təmiri mağazasının bağlanacağını elan etmişdi.

Abbas Lisani o vaxt  həmin qərarın rejimin təhlükəsizlik orqanlarının ona və ailəsinə qarşı təzyiqlərin bir hissəsi kimi dəyərləndirmişdir.

Lisani həmçinin Məhəmmədbağır Universitetində podratçı kimi çalışan yeznəsi Musa Qasımi ilə müqavilənin ləğv olunduğunu və onu layihədən uzaqlaşdırıldığını bildirmişdir. Universitet məsulları isə Musa Qasıminin layihədən uzaqlaşdırılması ilə bağlı sorğusuna cava olaraq demişdilər: “Biz separatçılarla işləmirik”. Abbas Lisaninin oğlu Əli isə iki il bundan öncə qızıl məmulatlarının təmiri ilə məşğul olan mağaza açıb. O, bunun üçün lisenziya almağa da çalışıb və aidiyyatı orqanlara müraciət edib. Ona mağazanın plomblanacağı ilə bağlı ilk xəbərdarlıq göndərildikdən sonra Əli Lisani bu sahədə fəaliyyət göstərən Həmkarlar İttifaqının rəhbəri ilə görüşüb, onunla məsələni aydınlaşdırmağa çalışmışdı. O Əli Lisaniyə bu qərarın İranın ETTELAAT İdarəsinin Ərdəbil şöbəsinin göstərdiyi təzyiqlərə görə qəbul edildiyini bildirmişdi

Həmçinin yoxlayın

Traxturun xanım tərəfdarları stadiona gələ biləcək

GADTB: Şərqi Azərbaycan əyalətində Traxtur futbol komandasının qadın tərəfdarlarının  stadiona girişinə icazə verilib Bu haqda …

Azərbaycanlı fəal Əhəd Seyfxah zaminə buraxıldı

GADTB: Azərbaycanlı milli fəal Ayaz Seyfxahın qardaşı Əhəd Seyfxah dünən Təbrizin mərkəzi zinanından istintaq prosesinin …

Bir cavab yazın