İrqçi fars rejim həbs etdiyi azərbaycanlı fəal Səhənd Məaliyə təzyiqləri artırıb

GADTB-nin Mətbuat Mərkəzinə daxil olan məlumata görə, irqçi fars rejim Sarab şəhərinin həbsxanasında həbs etdiyi azərbaycanlı milli-mədəni fəal Səhənd Məaliyə təzyiqləri artırıb.

Fəala ailəsi ilə telefon əlaqəsinə də icazə verilmir. O artıq 13 gündür ki, telefondan istifadə edə bilmir. Fəaldan heç bir məlumatın olmaması onun ailəsi və yaxınlarının nigaranlığına səbəb olub.

Qeyd edək ki, Sarab sakini olan Səhənd Məali zindanda 10 aylıq həbs cəzasını çəkməkdədir. O 2019-cu il mayın 2-də öz iş yerində irqçi fars rejimin təhlükəsizlik qüvvələri tərəfindən döyülərək yaxalandıqdan sonra həbsxanaya salınıb.

Şahidlərin dediyinə görə, fəal yaxalanarkən azyaşlı bacısı uşağının gözü qarşısında təhqir olunub və vəhşicəsinə  döyülüb.