GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim Traxtur komandasını Təbriz hava limanında qarşıladğına görə azərbaycanlı milli- mədəni fəal Məhəmmədibraim Cövdət Nocədəni həbs, cərimə və şallaq cəzasına məhkum edib.
Rejimin Təbrizin Xusrovşa bölgəsindəki Ümumi Cinayət Məhkəməsinin 3-cü şöbəsinin qərarı ilə fəal həbs, cərimə və şallaq cəzasına məhkum edilib.
Məhəmmədibraim Cövdət Nocədə Traxtur futbol komandasının kupoku qazanmasından sonra sentyabrın 4-də Təbriz hava limanında komandanın qarşılanma mərasimində iştirak edən zaman İran rejiminin təhlükəsizlik qüvvələri tərəfindən həbs edilmişdi. O, bir gün sonra 360 milyon tümənlik böyük məbləğdə mülki vəsiqə qarşılığında zaminə buraxılmışdı.
Heç bir günahı olmayan azərbaycanlı fəal şərlənərək rejimin məhkəməsi tərəfindən “Siyasi sistem əleyhinə təbliğat” ittihamı ilə 6 ay həbs 4 milyon 300 min tümən nağd pul cəriməsinə məhkum edilib.
Azərbaycanlı fəala qarşı, həmçinin guya “Cəmiyyətdə qarışıqlıq və iğtişaş yaratmaq” ittihamı ilə 63 şallaq zərbəsi cəzası verilib.
