GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin Güney Azərbaycana qarşı müstəmləkə siyasəti Təbrizə turizm infrastrukturunun geri saxlanılmasına gətirib çıxarıb.
Təbrizə gələn turistlər üçün kifayət qədər mehmanxana və qonaq evlərinin olmaması, mehmanxanalarda qiymətlər baha olduğu üçün qonaqlar parklarda və piyada keçid yolularında çadır qurub istirahat edirlər.
Bu görüntüləri çəkən bir vətəndaş dövlət qurumlarına səslənərək deyib: “Təbrizə gələn turistlərin əksəriyyəti şəhərə Tehran istiqamətindən və Təbrizin şərqindən daxil olurlar”.
O həçinin deyib: “Biz bütün turistlər üçün şəhəri hazırlamalıyıq ki, istəyə görə mehmanxanalara müraciət edə bilsin və gecəni Təbrizin sərin havasında keçirmək istəyən ailələr də parklarda çadır qura bilsin”.
O daha sonra deyib: “Təbrizdə və Azərbaycanda gəzib istirahət etməyi seçən səyahətçilərin ləyaqətini qorumaq üçün Analar və Atalar Parkları, Şəms Parkı və qonaq parklarını və onun yaxınlığındakı məktəbləri turistlərin istirahəti üçün nəzərdə tutun”.
