GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, irqçi fars rejimin təhlükəsizlik orqanları iyunun 24-də Əhər şəhərindən olan azərbaycanlı milli-mədəni fəal İbrahim Nuri və qardaşı Fərəc Nurini hədələyərək onlara deyiblər ki, Babək qalası mərasiminə qatılsalar tutuqlanacaqlar.
Məlumata görə, iyun ayının 24-də İbrahim Nuriyə Ettelaat məmurları zəng ediblər. Lakin o telefona cavab vermədiyi üçün aralarında söhbət olmayıb. Bundan sonra məmurlar İ.Nurinin qardaşı Fərəcin iş yerinə gedib, ona şifahi şəkildə bildiriblər ki, “sən və qardaşın iyul ayının 5 və 6-da Babək qalasında keçiriləcək mərasimə qatılmamalısınız, əks halda saxlanılacaqsınız.”
İyun ayının 25-də isə səhər saatlarında rejimin Əhər şəhərində yerləşən Ədliyyə İdarəsinin hökmləri icra edən şöbəsinin məmurları İbrahim Nurinin ata evinə gələrək onu yaxalamaq istəyiblər. Lakin azərbaycanlı fəal evdə olmadığı üçün onu yaxalamaq mümkün olmayıb.
