GADTB-nin Mətbuat Mərkəzinin əldə etdiyi məlumata görə, irqçi və işğalçı fars rejimin məmurlarının oktyabr ayının 21-də Təbriz şəhərində yaxaladığı azərbaycanlı milli-mədəni fəal Nəsim Sadiqinin taleyindən heç bir xəbər yoxdur. Xəbər yazılana qədər azərbaycanın fəal taleyi qeyri-müəyyəndir.
Azərbaycanlı fəal Nəsim Sadiqinin övladı da rejimin məhkəmə orqanlarına müraciət edib. Lakin onlar heç bir məlumat verməyərək, xəbərsiz olduqlarını iddia ediblər.
Qeyd edək ki, oktyabr ayının 21-də yaxalanan fəal öz övladı ilə əlaqə saxlayaraq, rejimin təhlükəsizlik qüvvələri tərəfindən yaxalandığını xəbər vermişdi.
Həmçinin rejimin məmurları fəalın bir sıra şəxsi əşyası, o cümlədən mobil telefonu, kompüter və kitabları rejimin məmurları tərəfindən müsadirə edilərək aparılmışdır.
Fəalın yaxınlarının bildirdiyinə görə, onun yaxalanmasının sosial şəbəkələrdə fəal olması ilə bağlı olduğu ehtimal edilir.