GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı milli-mədəni fəallar irqçi fars rejimi tərəfindən Ərdəbil vilayətində yerləşən Heyran gədiyinin Azərbaycandan qoparılması məqsədilə quraşdırlan tabloları dağıdıblar. Bu məqsədlə fəallar mart ayının 24-də Heyran gədiyində yerləşdirilən tabloları çıxarıblar.
Məlumata görə, Güney Aszərbaycanın Ərdəbil vilayətində yerləşən Heyran gədiyinin Azərbaycanın ayrılmasına cəhd Azərbaycan türk millətinin kəskin etirazı ilə qarşılanıb. Quraşdırılan əksər lövhələrin üzərindəki yazılar azərbaycanlı fəallar tərəfindən silinərək oxunulmaz hala salınıb, tabloların bir neçəsi isə yerindən çıxarılıb. Azərbaycanlı milli-mədəni fəallar “Azərbaycana xoş gəlibsiniz” cümləsini əks etdirmək üçün lövhələrdəki “Gilan vilayəti” sözünün üzərinə Azərbayhcan bayrağını yapışdırıblar.
Qeyd edək ki, Novruz bayramı münasibətilə irqçi fars rejimi tərəfindən Heyran gədiyi məntəqəsində turistlərə xidmət göstərmək bəhanəsi ilə təxminən 15 lövhə quraşdırılıb. Bundan məqsəd isə Heyran gədiyinin Azərbaycandan ayrılaraq Gilana birləşdirilməsidir. Əslində keçmiş pəhləvi fars rejimində Azərbaycan ərazisi olan Astaradan Ənzəliyə qədər böyük bir ərazi Azərbaycandan qoparılaraq Gilan vilayətinə birləşdirilib.
