GADTB Güney Azərbaycan Demokratik Türk Birliyi
GADTB: Əslən Tərizdən olan iş adamı Əli Poladın təşəbbüsü ilə İran, Türkiyə, Azərbaycan, Gürcüstan və Özbəkistandan olan 3 min aşıqdan ibarət ensiklopediya hazırlanıb.
Əli Polad “Azərəncümən”ə müsahibəsində Azərbaycanın tarixi və mədəniyyəti sahəsindəki geniş fəaliyyəti haqqında danışıb.
Əli Polad aşıq sənətinin daha yaxşı anlaşılması üçün bu sahədə 2 kitab yazdığını və 280 aşığa payladığını bildirib.
O, sözlərinin davamında İran, Türkiyə, Azərbaycan, Gürcüstan və Özbəkistandan olan 3 min aşıqdan ibarət ensiklopediya hazırladıqlarını qeyd edib. Onun sözlərinə görə, topluda bu bölgələrdən olan qocaman aşıqların adları toplanıb. Əli Polad deyib: “Son 7 ildə mən aşıq sənətini canlandırmaq üçün bir milyon dollardan çox vəsait xərcləmişəm və 72 aşığın səsini 1500 efirdən və ya səhnədən ucalda bilmişəm.”
