GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, dünən 2019-cu il yanvarın 13-də işğalçı fars rejim azərbaycanlı milli-mədəni fəal Əli Vasiqi Ərdəbilini İnqilab Məhkəməsinə çağırıb.
Göndərilən çağırış vərəqəsinə əsasən azərbaycanlı fəal 2019-cu il yanvarın 23-də rejimin Ərdəbil şəhərində yerləşən İnqilab Məhkəməsinin 2-ci şöbəsinə müraciət etməlidir.
Rejim azərbaycanlı fəalı şərləyərək “ölkə təhlükəsizliyini pozmaq məqsədi ilə qanunsuz qrup yaratmaq”da ittiham edib.
Qeyd edək ki, Əli Vasiqi 2018-ci il iyulun 2-də Babək Qalası Qurultayı ərəfəsində Ərdəbilin Qiyam meydanında yerləşən mağazasında rejimin təhlükəsizlik qüvvələri tərəfindən yaxalanmışdır.
Fəal müvəqqəti saxlanma müddətində işgəncələrə məruz qalmışdır.
