İşğalçı fars rejim azərbaycanlıların soyqırımı kitabının təqdimatına mane oldu

GADTB-nin Mətbuat Mərkəzinə daxil olan məlumata görə, işğalçı fars rejim azərbaycanlıların soyqırımı kitabının təqdimatına mane olub. Güney Azərbaycanın qərb bölgəsində Azərbaycan türklərinin erməni-aysor birləşmələri tərəfindən soyqırıma məruz qalmasından bəhs edən “Müqavimət mifi” kitabının sabah cuma günü yanvar ayının 18-də Təbrizin Kitab bağında təqdimatı keçirilməli idi.

Kitabın müəllifi Səccad Zeynalı öz İstagram səhifəsində məlumat yayaraq, təqdimat mərasiminin ləğv edildiyini xəbər verib.

Müəllif bildirib ki, o nə qədər çalışsa da, açıqlaması mümkün olmayan səbəbə görə, mərasimi keçirmək mümkün olmayacaq. O mərasimin ləğv edilməsi ilə bağlı təəssüfləndiyini bildirib.

Qeyd edək ki, antitürk və Antiazərbaycan fars rejimi azərbaycanlıların soyqırımı ilə bağlı kitabların təqdimat mərasiminə bu şəkildə dəfələrlə maneələr törədib.