GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, işğalçı fars rejimin Ərdəbilşəhərində yerləşən Apelyasiya Məhkəməsinin 1-ci şöbəsi azərbaycanlı milli-mədəni fəal Kiyumərs İslami barəsində rejimin məhləməsinin haqsız olaraq çıxardığı 1 illik həbs qərarını olduğu kimi qüvvədə saxlayıb. Bu barədə rejimin Apelyasiya Məhkəməsinin qərarı 2018-ci il noyabr ayının 22-də Kiyumərs İslamiyə göndərilib.
Göndərilən qərarda illik həbsin hansı səbəbdən təsdiqləndiyi açıqlanmadan yazılıb: “Etirazçı məhkəmə hökmünün dəyişdirilməsinə əsas yaradan heç bir dəlil və ya sənəd təqdim etməyib. Əslində etiraz məktubunda yeni heçə nə qeyd olunmayıb, yazılan dəlillər qərar çıxaran məhkəmənin gördüyü materialları təkrarıdır. Ona görə də etiraz rədd edilərək, məhkəmənin həbs qərarı olduğu kimi qüvvədə saxlanılır”.
Qeyd edək ki, ilk öncə irqçi fars rejimin Parsabad şəhərində yerləşən 2 saylı Cinayət Məhkəməsinin 102-ci şöbəsi azərbaycanlı milli-mədəni fəalı şərləyərək onu “pantürkizm və bölücülük”də ittiham etmiş və 1 il həbsə məhkum etmişdir.
Azərbaycanlı fəalın Babək Qalası Qurultayına qatılmaq cəhdi, eləcə də məqalələrində “Güney Azərbaycan” terminindən istifadə etdiyi üçün rejimin məhkəməsi ona həbs cəzası verib.
Fəal 2018-ci il iyulun 4-ü Babək Qalası Qurultayı ərəfəsində Parsabadda öz evində yaxalanıb. O 37 gün saxlandıqdan sonra avqustun 9-da mülki vəsiqə qarşılığında Muğan zindanından zaminə buraxılıb.
Azərbaycanlı fəal müvəqqəti azadlığa buraxılması üçün ailəsinin təqdim etdiyi mülki vəsiqənin qəbul olunmaması və hakimin prosesi uzatmasına etiraz olaraq 9 gün aclıq aksiyası keçirmişdir.
