İsrail yenidən İrana hücum edə biləcəyi barədə xəbərdarlıq edib

GADTB: Wall Street Journal nəşrinin yazdığına görə, İsrail yaxın zamanda İrana yenidən hərbi zərbə endirə biləcəyi barədə xəbərdarlıq edib.

Məlumata əsasən, İsrail rəsmiləri bu ehtimal barədə ABŞ-li səlahiyyətli şəxsləri məlumatlandıraraq, İranın ballistik raket proqramını yenidən bərpa etmək istiqamətində atdığı addımların yeni hərbi müdaxilə riskini artırdığını bildiriblər.

Qeyd olunur ki, Tehranın raket imkanlarını bərpa etməyə yönəlik cəhdləri İsrailin mümkün yeni hərbi əməliyyatına zəmin yaradır və eyni zamanda ABŞ-ın regionda sabitlik yaratmaq səylərini daha da mürəkkəbləşdirir.

Mənbənin vurğuladığı kimi, mövcud vəziyyət Yaxın Şərqdə gərginliyin yenidən artması ehtimalını gündəmdə saxlayır.