GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İsrailin Baş naziri Naftali Bennet İranda kütləvi edam heyətinin üzvü olmuş Rəisinin prezident olmasına sərt reaksiya verərək deyib ki, İsrail İranın nüvə silahı əldə etməsinin qarşısını almağa yönəlmiş siyasət yürütməyə davam edəcək.
“İranın cəllad rejimi kütləvi qırğın silahları almamalıdır, bu, İsrail dövlətinin açıq, dəyişməz mövqeyidir. İranda İbrahim Rəisi yeni prezident seçildi. Xamenei minlərlə İran vətəndaşının ölümünə görə məsuliyyət daşıyan “Tehran cəlladı”nın seçilməsinə icazə verdi. Rəisinin seçilməsi dünya gücləri üçün kimlərlə iş apardıqlarını anlamaq baxımından bir siqnaldır”, – Bennet bildirib.
